न्युज रेडियो टाइम्स
- 04-Shrawan-2083 8:11:41
काठमाण्डाै – जापानमा हुने एशियाली खेलकुद २०२६ अन्तर्गत क्रिकेटतर्फ नेपाल समूह ‘ए’ मा परेको छ ।
यो समूहमा नेपालसँगै अफगानिस्तान र जापान रहेका छन् । आज सम्पन्न ‘ड्र’ बाट समूहमा रहने टोलीको टुङ्गो लागेको हो । यस्तै समूह ‘बी’ मा हङकङ, मलेशिया र ओमान रहेका छन् ।
समूहका शीर्ष २ टोली क्वाटरफाइनलमा प्रवेश गर्नेछन् । भारत, बङ्गलादेश, श्रीलङ्का र पाकिस्तानले भने सीधै क्वाटरफाइनलमा खेल्नेछन् ।
नेपाली क्रिकेट टोली यसअघि सन् २०२२ मा चीनमा भएको एशियाली खेलकुदमा क्वाटरफाइनलसम्म पुगेको थियो । नेपाल क्वाटरफाइनलमा भारतसँग पराजित भएको थियो ।
सिङ्गापुरमा भएको एशियाली खेलकुद छनोटमा अपराजित रहँदै नेपाल एशियाली खेलकुदमा छनोट भएको थियो ।
© न्युज रेडियो टाइम्स
