न्युज रेडियो टाइम्स
- 16-Baishakh-2083 9:58:01
काठमाण्डाै – हुएस्काका खेलाडीको अनुहारमा मुक्का हानेपछि स्पेनी फुटबल महासङ्घले रियल जारागोजाका गोलकिपर एस्टेबान एन्ड्राडालाई १३ खेलमा प्रतिबन्ध लगाएको छ ।
गएको आइतवार दोस्रो श्रेणीको फुटबल लिगको खेलमा रेड कार्ड पाएपछि रियल जारागोजाका गोलकिपर एन्ड्राडालाई रेफ्रीले मैदानबाट निकालेका थिए । त्यसपछि उनले हुएस्काका कप्तान जोर्ज पुलिडोलाई मुक्का हानेका थिए ।
मुक्का प्रहार गरेको घटनामा एन्ड्राडालाई १२ खेलमा प्रतिबन्ध र रातो कार्डका लागि स्वतः १ खेलमा प्रतिबन्ध लाग्ने भएको हो । यो खेलमा हुएस्काले जारागोजालाई १–० गोलले हराएको थियो ।
३५ वर्षीय गोलकिपर बाँकी सिजनका लागि टोलीबाट बाहिरिएका छन् जसका कारण रेलिगेशनबाट बच्ने टोलीको आशामा धक्का लागेको छ । यो घटनापछि एन्ड्राडा र रियल जारागोजा दुवैलाई थप आर्थिक जरिवाना लाग्ने स्पेनी फुटबल महासङ्घले उल्लेख गरेको छ ।
© न्युज रेडियो टाइम्स
