लुम्बिनी प्रदेश सरकारद्वारा एकसय दिनको अवधिमा सम्पादन गरेका १०१ उपलब्धि सार्वजनिक

लुम्बिनी प्रदेश सरकारले एकसय दिनको अवधिमा सम्पादन गरेका १०१ उपलब्धि सार्वजनिक गरेको छ । मुख्यमन्त्री चेतनारायण आचार्यले सरकार गठनको एक सय दिनको अवधिमा सम्पादन भएका एक सय एक उपलब्धी पत्रकार सम्मेलनको आयोजना गर्दै सार्वजनिक गरेका छन् । 

नेपाल सरकारसँग समन्वय गरी गौतमबुद्ध अन्तर्राष्ट्रिय विमानस्थल, भैरहवाबाट हवाई उडान सेवा सुचारु हुन लागेकोदेखि राष्ट्रिय वनक्षेत्रबाट १,२३,१९१ घनफिट काठ तथा २४४चट्टा दाउरा उत्पादन भएकोसम्मलाई १०० दिनको उपलब्धीको सूचीमा राखिएको छ । 

प्रदेशको आन्तरिक आयस्रोत वृद्धि गर्न राजश्वको दायरा फराकिलो बनाउने, आर्थिक अनुशासनलाई कडाईका साथ कार्यान्वयन गर्ने, अघिल्लो बर्षको दायित्व भुक्तानीलाई अघि बढाउने आधार तयार गरिएको मुख्यमन्त्री आचार्यको भनाई छ । 

गत साउन ९ गत पद तथा गोपनियताको शपथ लिएका थिए ।  मुख्यमन्त्री चेतनारायण आचार्यको अध्यक्षतामा भएको कार्यक्रममा प्रमुख सचिव महादेव पन्थले स्वागत, उपलब्धिको सार्वजनिक सचिव कृष्ण पौडेलले गरेका थिए भने सहजिकरण सचिव इश्वरराज पौडेलले गरेका थिए।