न्युज रेडियो टाइम्स
- 11-Mangsir-2082 7:44:58
काठमाण्डाै – नेकपा (एमाले) ले ११औं राष्ट्रिय महाधिवेशनको उद्घाटन भक्तपुरको सल्लाघारीमा र बन्दसत्र भृकुटीमण्डपमा गर्ने भएको छ ।
बागमती इन्चार्ज राजन भट्टराईका अनुसार महाधिवेशनकाे उद्घाटन समारोह यही मङ्सिर २७ गते भक्तपुरको सल्लाघारीमा हुनेछ भने बन्दसत्र काठमाण्डौको भृकुटीमण्डपमा हुनेछ । एमालेले ११औं महाधिवेशन यही मङ्सिर २७, २८, २९ गतेका लागि तोकेको छ ।
यसअघि खुलामञ्च वा भृकुटीमण्डपमै उद्घाटन समारोह गर्ने तयारी भएकोमा काठमाणडाैमा गाडीको चाप, मानिसहरूको आवतजावत लगायतलाई ध्यानमा राखेर उद्घाटनस्थल परिवर्तन गरेको भट्टराईले बताउनुभयो ।
आज बसेको महाधिवेशन सचिवालयको बैठकले महाधिवेशन उद्घाटन स्थल परिवर्तन गरेको हो ।
© न्युज रेडियो टाइम्स
